RITIMJOK SILROROE, A Tribute to Ma'chong Leaders. 

Composed by Dr. J. W. Momin.

Background of the song:

Chengon Wa·tre ma·chong chonbegipa Wa·trepara minggipa songosa songdong a·chaachim. Wa·trepara song Rajasimla-oni mile 6-mang chel·ao dongachim. Uamangoni mitamrang Rajasimla songona katbaaha aro ua biapona katonba·gipa nokdangonin A·chikrangni gisepo Kristian toromko bebera·chenge a·chik jatni a·gilsakni gita mikandale janggi tang·aoniko seng·aona ra·baaha. A·chik jatna Kristian toromko skie on·anichi gipatasan ong·aijaha indiba songsal janggi tangani, lekka poraiani aro sea jotani kamrangkoba jatna on·aha.

Ia ma·chongoni jatko mikaoatna kam ka·dilgiparangara Omed, Ramke, Rangku, Fokira, Reban, Ware, Dobaki, Ganme, Parbati, Tilakchand, Howard Denison, Kandura, Bronson iamangan mongsonggiparang ong·achim. A·song chigako namdapatna silbatatna kam ka·na ine a·chik a·songni dingtang dingtang biaprangchi Wa·tre Ma·chongonin Rajasimlaoni re·ongkatangtokaha. Uamangoni Ramke aro Ware abisa Nisangram-o songdonge ua jolo songdonggipa manderangna raken kam ka·aha. Dobaki aro Ganme Turaona re·bae skie on·anirangko dakaha aro Rangku baksana uni namchiktang Parbati Baghmaraona re·ange salgipeng jolo songdonggipa a·chikrangna kam ka·aha. Indake ma·chongni jelroroani a·chik a·songo giproroangaha.

Ritimjok silroroe,

Wa·tre chong balpongbae;

Jelbrajok a·o priprae,

A·bri a·kong bimik nae;

Wa·tre [1]chong ba ma·chong bang·pagijaoni gipin gipin a·chik a·songni biaprangonaba priprae jelroroaha. Je biapo songdongoba, Wa·tre ma·chong silrorona man·aha. A·bri a·kong a·kawe pilak jolrangon ma·chongni giproroani sokangaha aro A·chik ma·chongrangni gisepo mingsing minggamako man·batgiparangoni ma·sa ong·aha.

Ma·chongan a·chik [2]duramong,

Ong·jok wa·trean [3]krong;

Ja·chongrikjok na·mangan,

Jaktuatgija nang’ jakan;

Ia ma·chongan A·chik jatko baditaba chasongrangna duramong ong·e dilbaaha. Je wa·trerangkon krong gita jatko dilna songaha, uamang mangrake pangkamgipaba ong·aha. Da·alonaba uamangni kamrango ja·chongrikani bon·changja. Jeba jatko songsalko mondoliko aro mahariko dilchina, uamang jaktuatgija kingkot ong·e kamrangko ka·e chu·sokata.

Teng·chakgen nang’ jagringan,

Ja·rikon nang’ ja·kuan;

Krimkro jakko snile,

Mangrakatgen chiripate;

Uamangni mingnama kamrang uamangon bon·aijawa, indiba dedrang su·drangrangonan pilak indonga kamrang ja·chongrikgen. Indakgipa ja·chongrikani kamrangko ka·na gita altubea ong·ja, indiba chu·sokatanina kamrangko ku·mong nangrime an·tangtangni jakrangko snilate ka·na nanggen. Ku·monganiko on·e saksa sakgipino ka·donggrikaniko on·e ma·chongni bilko mangrakatna nanggen.

Chorus

 Oh, chingni mama ada atchu ambirang,

Mi·telbea na·mangko chinga de-su·drangrang;

Jaksrambee on·giljok, mangrakatna bakdilko,

Ku·mong nangrimgrike, rikjok nokko;

An·ching an·chingni mama-ada atchu ambirangko uamangni jaksrame jatko bilakatna ma·chongko niksengatna kamrangko ka·e on·gilahanina mitelna gita krachongmota. Hai ma·chongni sakantian, nokdangantian uamangni jaksrambee kamrangko ka·e on·gilanina mitelna. MITELA.   

---

[1] Chong - Wa·tre-ni jelaniko chong·sa ba chong·gni ine talata.

[2] Duramong – Ma·mong ba Pamong ong·e dilgipa

[3] Krong – Je manderangran songsalko aro mondoliko dilgipani bakko man·a, uamangkon KRONG ine agana.

---

Katchaanian Suakjok

Katchaanian Suakjok        Key: E                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                 

Original Comp: James W. Momin

Katchaanian suakjok,

Kusinian gaptaijok,

Dangtapon Nang’ maranggri jakrangchi;

Salchroe ang’ janggiko,

Nang b’lakgipa jakpongo,

 Ong’atjok ang’ janggiko

Baljimagri

Chorus:

Ringmitelgen ang’ Gitelna,

Angni ka’tong bil gimikchi,

Katchae ang’ ku’rangchi

Ka’sroke !

Nang’ni ka’saan salakimo,

Ka’dimea  ang’ gisiko

Kenmanja ang’ janggina

Suaka Katchaani

Aiao! Suaka Kusini

Bridge:

Jisu Nang’ sambao

Plak’ Naljokaniko

Man’a angni janggina

Ka’dimeata,

Angni ka’tongko

Ong’e ang’ rangsitantion;

(Repeat First Verse)

2^nd Chorus:

Ring’mitelgen ang’ Gitelna,

Angni ka’tong bil gimikchi,

Katchae ang’ ku’rangchi

Ka’sroke !

Nang’ni ka’saan salakimo,

Ka’dimea  ang’ gisiko

Kenmanja ang’ janggina

Aiao !Suaka Katchaani

Nango Suaka Kusini

Aiao! Bon’changja Katchaani

Gapaha a’sako

Gapaha a’sako

Original Comp. : James W Momin

Album: El Shaddai

Key: G

Gapaha a’sako  andalani bilrang,

Gimatjok salgin rasongko;

Manjaha chakatna, an’tangari anga,

Ga’batna sian nalsaoni;

 Nang’ songona;

Jisu, ang’ janggiko jokatjagenchimode,

Ang gimagnokchim;

Na’a chisolo sichakjagenchimode,

Papo sripgnokchim;

Ang’ banongenchim;

On’aha detangkon, sichake chisolo,

Talatna sian beriko;

Ra’chake Jisuko, Jokaha ang’ janggi,

Ga’batjok sian nalsaona;

Nang’ songona;

Jisu, Na’a ka’sachakjagenchimode

Ang’ indin ong’genchim

Na’a angko jakandiljagenchimode

A’mikbrang ong’genchim

Ang’ ong’gramaigenchim

 Bridge:

Re’gen angni janggi Na’a jechi dila,

Chonkamaonan

Donggen anga be’bera’e Nang’ kattao

Ang’ watgaljawa

Nang’ ramako

Jisu, ang’ janggiko jokatjagenchimode,

Ang gimagnokchim;

Na’a chisolo sichakjagenchimode,

Papo sripgnokchim;

Ang’ banongenchim;

Ang’ indin ong’genchim

A’mikbrang ong’genchim

Ang’ ong’gramaigenchim

Dongenga Na’a Bano?

Dongenga Na’a Bano?

Original: James W Momin

Album: El Shaddai, 2013
Key: Am

Re’engon ia a’gilsak skele

U’israprikpilgijaon

Ong’engon knaronggija obostarang

Salsabatrikrikan

Dakgrik-dingrike bobil onga’ni

An’chaanirangko

Man’jaha ka’dongnan  sakgipino

Marangan pripjok

Chorus

Dongenga Na’a bano,  Indaka somoirango

Ong’enga maidake,  Jisugri ia a’sako

Somoi sokaha, An’chingko rimdona

Tarijokma Na’a, Nang’ni janggiko

Jisu baksa re’na

Gapengon   andalani bilrangan

Saitan-ni brarangan

Akal-karaprangchi sinjete

Kakketgijanirang

Dubiengon namgijao janggirang

Duk mikchirang baksa

Ekatjok antangko Un’ ka’saaoniko

Janggin jabrangachi

Bridge

Plakan chu’sokengjok

Parape’giminrang

Mesokenga chinrangan

Sal sepangaha;

Uan re’bapilgen

Aramo Ua rasongchae;

Last Chorus:

……. Un’ Songnokona

Ang’ Ring·gen    

Key G

Written by: J. W. Momin

Ang’ ring·gen, de·mitele Ang’ Gitelna,

Inchrogen, Hallelujah, Ang’ Rajana,

Chuatgen, Un’ bimungko, Jringjrotna;

Olakkigen a·gimikan Un’ rongtalako,

Rasong on·gen Un’ mingnamako;

Tubamgen plak jatrang Uni bimungna,

Maina a·gimikon Uasa dakaha;

Na·an angko breaha,      
Key D

Written by: J. W. Momin

Nang’ ka·saan chio anga auaha,

Plak ang’ moilarang talsrangaha;

Su·srange Nang’ an·chio,

Epakjok ang’ dakrangko,

Surinaba bokbatsrange;

                Chorus:

Na·an angko breaha,

            A·gilsako gamchatbate;

            Rimnapjok Nang’ nolona angko;

            Ang’ ka·sroka, pangnan Nang’ kabako.

Ka·dingsmite Na·an ang’ sambao,

Asongronga pangnan ang’ duk-suko;

Chanjaha papi ine,

Anga papi mandeko,

Dakaha detang gitasa;

Aganenga Ka’saa

J. W. Momin

Album: El Shaddai

Aganenga Ka’saa, mikkaan’ ga’akachi

Aganenga ka’saa, salniangachi

Katta agansokja, chipakore gita

Pringwalnin aganenga, ang’ rang’sitantion

Aganenga ka’sae, uo dongkamchina

Aganenga, ja’kuantin uo pangchakchi’na

Angko mikrakatna sawa angna donggenchim

Sawa ang’ ka’tongko moate

Katcha’atgenchim

Aganenga ka’saa, chisolo mesoka

Jaktangko bawange, ka’saan’ ning’tuako

Mesokenga ka’saa, ja’a-jakni parirang

Aganenga ka’saa, angna pil’taitai..

Plakna Bate

Key A 

Writen by : J. W. Momin

Album: El Shaddai 

Plakna bate ia a·sako,

Ang’ Nang’nan ka·saabata;

Plakna bate ia a·sako,

Ang’ Nang·on katchaabata;

Plakna bate ia a·sako,

Ang’ Nang’nan ka·saabata;

Plakna bate ia a·sako,

Ang’ Nang·on katchaabata;

Maina Na·an a·sak-salgin nokgipa,

Chuatako man·a kraa;

Salja askirangko Na·an dakaha,

Ang’ chadenge sakki on.gen.

Plakna bate ia a·sako,

Ang’ Nang’nan ka·saabata;

Plakna bate ia a·sako,

Ang’ Nang·on katchaabata;

Plakna bate ia a·sako,

Ang’ Nang’nan ka·saabata;

Plakna bate ia a·sako,

Ang’ Nang·on katchaabata;

Maina Na·an angna ka·saachengaha,

Nang’ detangkon on·kangsrange;

Na·an ang’ janggiko jokataha,

Ang’ paprangna sichake;

Plakna bate ia a·sako,

Ang’ Nang’nan ka·saabata;

Plakna bate ia a·sako,

Ang’ Nang·on katchaabata;

Plakna bate ia a·sako,

Ang’ Nang’nan ka·saabata;

Plakna bate ia a·sako,

Ang’ Nang·on katchaabata;

Dongja Nang gita darangan
Ia a'gilsako;
Na'asan ang' pangchakani
Janggin nokgipa;

Plakna bate ia a·sako,

Ang’ Nang’nan ka·saabata;

Plakna bate ia a·sako,

Ang’ Nang·on katchaabata;

Plakna bate ia a·sako,

Ang’ Nang’nan ka·saabata;

Plakna bate ia a·sako,

Ang’ Nang·on katchaabata;

Nang'nan Ka'sabata

Nang'on katchabata

Nang'nan ka'sabata

U·isokja Nang’ Kamrangko

J. W. Momin

Album: El Shaddai

U·isokja Gitel Nang’ kamrangko,

Ong·ja uan ching’ chanchia gita;

Bilsi-karirang reangengon,

Nika saoba dakenga gita.

Chorus:

Jajaani gri, Nang’ ong·atao,

Nang’ seng·an gipjok plakchin;

Bata Nang’ kamrang, ia a·sako,

Amja tosusana Nang’ gunko.

Chorus 2:

Man·aha da·o, Nang’ senganiko,

Mikaoatjok Na·an, ang’ janggiko;

Anga u·iaha, Nang’ ka·saaniko,

Na·an jokataha, ang’ janggiko,

Dongkamgen anga nang·on         (2)

Sal nabaaoni, sal napaaona,

Dingtangja Gitel Na·a salantin;

Knatobean ku·rang katchaachi,

Ring·a do·drang Nang·na pringanti;

Man’jok angni janggiko

J. W. Momin

Album: El Shaddai

Mikaoatjok angni janggiko,

Jekon a’sak angko ong’atna amja;

Knaon Nang’ ka’saan ku’rangko,

Nang’o katnapna uan angko draata.

Chorus:

Man’jok angni janggiko,

Nang’ bimungko okamantal;

Na’an angko sason ka’a,

Diangtang ong’jok,

A’sak ang’ janggiko man’piljawaha.

Dakjok nitoe ang’ bimangko,

Jeon gapa ka’saa, sontol ong’ani;

Nang’ ka’saan angko pindapon,

Nang’ kema ka’achin angko tangata.

Bridge:

Jisu, maironga angna!

Nang’ sambaon pangnan ong’na ska;

Ang’ man’jok, tomtom ong’na nang’na simbrahaon.

El Shaddai

J. W. Momin

Album : El Shaddai 

El Shaddai!

Na·an chubatsranggipa;

Pangnan dongkamgipa;

Nang’ bimung mingnama,

Bilakbatsranggipa;

El Shaddai!

Plak jatrangni Gitel,

A·sak Nang·na tubama;

Plak rasongko man·a ,

Krabatsranggipa;

Dingtangja pangnan Nang’ kamrang

Angni janggina;

Nikjaoba ang’ mikronrang Nang·ko

U·ia ang’ bil gimikchi

Nang’ dangtapako;

Gisik Rongtalgipa gnang ang’ baksa 

Ka·saan Gapa

J. W. Momin

Album: El Shaddai

Ka·saan gapa, Jisu Nang’ mikkango,

Na·an simsaka, pangnan ang’ janggina;

Attam grooba, salrakoba,

On·a dongtoaniko.

Chorus:

Salbaka Nang’ kabako,

Ang’ janggina on·e nang’ ka·saako,

Okkama, ka·sroka nang’ ku·rangchi;

Olakkia ang’ nang·ko,

Rasong chaa, Nang’ nama kamrango,

Dingtangja, salantin Nang’ kabako.

Aldu-mitanga, ang’ algri ong.oba,

Nirok-sandia, mikbrang janggi tangoba,

Gangrioba, nok-jamgrioba,

Watgalja Gitel angko

Bridge:

Miktuatja Gitel,
Nang' mikronrang angko nion;
Jaktuatja Na'an,
Jakandilon ang' janggiko;
O-O-O-O-H

IFAD and Climate Change

Documentation Study by Enrap...... WGH, NERCRMP

Documentation Study by Enrap...... WGH, NERCRMP

Documentation Study by Enrap...... WGH, NERCRMP

Documentation Study by Enrap...... WGH, NERCRMP

In their hands © IFAD

james w momin: IFAD staff in the field

james w momin: IFAD staff in the field

IFAD staff in the field

Blogger Buzz: Blogger integrates with Amazon Associates

Blogger Buzz: Blogger integrates with Amazon Associates